SIMULIZI: HOUSE GIRL WA KITANGA 24

SIMULIZI: HOUSE GIRL WA KITANGA
MTUNZI : KIZARO MWAKOBA

SEHEMU 24
ILIPOISHIA
“Tu..tu..tumu” baba aliniita kwa sauti ya kukatakata kama vile ana kigugumizi.
“Abee..” nikitika kwa ile sauti yangu ya kudeka.
“Nimekwambia nitakulipa kiasi gani vile kwa mwezi?” baba akahoji kwa sauti nzito huku akizunguusha mkono wake wa kushoto kwenye mabega yangu.
“Si ulisema unaniongezea Laki moja kila mwezi jamani baba umesahau?” Nikazungumza kwa kudeka huku nikijiweka vizuri pale kifuani kwa baba. Masiki ya Mungu mzee wa watu alizidi kuchanganyikiwa na toto la kitanga.
“Hapana Tumu umekosea” baba akazungumza kwa sauti ya kukoroma.
“Kumbe uliniambia kiasi gani?” nikahoji huku nikimtazama usoni na kupeleka mikono yangu kwenye kidevu hake na kuchezea ndevu za baba yule.
“Mimi nilikwambia nitakuongezea laki tatu kila mwezi” baba alizungumza kwa kunibembeleza huku akiutoa mkono wake kwenye mabega na kuuweka juu ya paja langu la mguu wa kulia. 

ENDELEA…
Jamani huo si mshahara wa msomi kabisa jamani! Heti mwenzenu ndio nilikuwa nimeahidiwa kupewa kwa kufanya kazi za ndani tu. Mnh kuna wanaume wakiamua mambo yao hata nyumba wanaweza kuuza kwajili ya mchepuko.
Kusema ukweli mpenzi wa Mungu taarifa ile ilinishitua sana. Sikuweza kuamini baba alikuwa anazungumza vile kunilainisha tu au ni kweli alikuwa amekusudia? Majibu mwenzenu sikuwa nayo. Lakini ka laki tatu kalinivutia sana.
“Kwahiyo laki tatu yote ni yakwangu kwa kila mwezi?” nikahoji nikijifanya sikuwa nimeelewa maelezo ya mzee yule.
“Na ukijumlisha na ile utakayopewa na mama yako itakuwa ngapi?” aliendelea kuzungumza kwa kujidai mwanaume mtumzima yule baada ya kubaini alikuwa amenimaliza makali yote.
“Nitakuwa na mihela mingi kumbe!” nikazungumza kwa kujidai baada ya kupata taarifa ile.
“Aah hizo tu mbona cha mtoto, kama ukinifurahisha zaidi nitakujengea hata nyumba” baba alijitapa huku akimeza funda la mate ya uchu.
“Mnh baba wewe, kumbe na mimi nitakuwa mama mwenye nyumba? Nikahoji kwa madeko mtoto wa kitanga, chezea mshiko weye!
“Na mimi nitakuwa baba mwenye nyumba” baba akazungumza huku akinikumbatia na kunivutia zaidi upande wake.
“Aaah Baba taratibu basi” nikalalamika mtoto wa kike nakwambia. Najua unanishangaa lakini utanisoma tu.
Sasa ndugu msomaji shughuli ilikuwa inaelekea kuanza, nakwambia hakuna marefu yasiyo na ncha. Waswahili wanakwambia mbio za sakafuni huishia ukingoni. Na maneno ya wahenga yanasema ndege mjanja hunasa kwenye tundu bovu.
“Baba baby..” nikaita kwa sauti ndoogo kama vile nilikuwa shimoni.
“Unasemaje mtoto baby” baba akaitika kwa sauti ya kutokea kooni.
“Naomba nichumu hapa” nikazungumza kwa deko nakwambia si unajua tena mambo ya kujibebisha.
“Wapi mtoto mzuri?” baba akahoji kwa sauti yake iliyozidi kuwa nzito.
“Hapa shingoni bwanaaa” nikaeleza kwa sauti ya kulalamika iliyokuwa imejaa deko.
Mzee wawatu akajipinda na kuniachia busu moja matata sana. Nilikuwa namsikia akipumua kama nguruwe mwenye njaa aliyemwagiwa maganda ya mihogo.
 Sasa nikashuhudia baba akijipinda na kulekea midomo yake kwenye madafu yangu ya kifuani. Mapigo ya moyo wangu yakaanza kwenda mbio kama farasi wa mazoezi.
 “Baba subiri kwanza!” nikazungumza kwa sauti kabla midomo ya baba haijatua kwenye madafu yangu.
 “Vipi mpenzi unasemaje?” baba alisita kuituma midomo yake na kunisikiliza kwa makini.
 “Nikwambie kitu?” nikahoji huku nikionekana kuwa hoi bin taaban.
 “Haya niambie mtoto mzuri” baba naye akahoji huku akionekana akipumua juu juu kama fisi mwenye njaa kali aliyeona mfupa mbele yake.
 “Nenda kazini” nikazungumza kwa sauti kavu.
Jamani nyie kumbe kauli yangu ile iliniponza. Nakwambia mzee Sekiza hakutoa jibu lolote bali alinichota utafikiri mchanga kwenye koleo, lile ambalo wengine wanaita sijui sepetu sijui chepe, aah nafikiri umenielewa. Kitoto cha kike nikabebwa juu juu utafikiri kipande cha mkate. 
 Moja kwa moja baba alikwenda na mimi hadi chumbani kwake na kunitupa kitandani kama zigo la kuni ‘Puuu’. “Hatimaye yametimia” nikajisemea nikiwa pale kitandani kwa baba. 
Nilimshuhudia baba akisaula viwalo vyake kwa kuanza na shati. Nikainuka kutoka pale kitandani na kwenda kumdaka kisha nikamvutia kitandani na kuanza kufungua vifungo vya shati.
“Tumu leo umenifurahisha sana, yani kama vile sio wewe uliyenifurumusha na mwiko” baba alizungumza huku akichezea nywele zangu.
“Ngoja leo nikupe mambo ya kitanga original” nilizungumza kwa kujiamini.
“Mnh lazima nikujengee nyumba na nitakununulia gari Tumu” masikini mwanaume wawatu alikwisha oza akabakia garasa tu. 
Niliendelea kufungua vifungo vya shati la baba huku mikono yangu ikitetemka kwa wasiwasi na woga. Hata kama ningeamua kutumia nguvu ili kusitisha zoezi lile nisingeweza. Pepo la uzinzi lilikuwa limeshamtawala baba hivyo shughuli ilikuwepo.
“Mungu wangu!” nilihamaki kwa sauti na kuacha kufungua shati la baba nikabaki nimeweka mkono wangu wa kulia mdomoni na macho nimeyatoa kwa hofu.
“Kitu gani tena mrembo” baba akahoji kwa wasiwasi baada ya kuniona nimeshituka kiasi kile.
“Baba nipo mkoani” nikazungumza kwa sauti ya wasiwasi.
“Aaah Tumu utaniua sasa!” masikini ya mungu mzee wawatu alizungumza kwa sauti ya kukata tamaa na kujitua chali pemnbeni.
“Nisamehe baba nilikuwa nimesahau” nikajieleza baada ya kumuona baba amekata tamaa ghafla.
“Upo huko mkoani tangu lini?” aihoji baba huku akiangalia pembeni.
“Ndio nimeanza leo?” nikaeleza huku nikimpapasa kifuani.
“Na unamaliza lini?”
“Mimi huwa nachukua siku nne au tano, tuseme sita kabisa ndio nakuwa poa” nikaeleza kwa sauti yangu ya kudeka.
“Kwahiyo unaniahidi lini?” baba alihoji kwa umakini huku akinitazama usoni.
“Usijali, nikimaliza tu nitakukumbusha mwenyewe” nikazungumza kwa kudeka huku nikimchezea ndevu zake zilizokaa kama miba ya michongoma.
“Sasa kwanini usingeniambia mapema?” baba alijaribu kulalamika.
“Nilisahau mwenzio, nawewe umezidi utundu huko” nikazungumza huku nikimpiga baba kakofi ka mahaba kwenye shavu lake.
“We mtoto utanifanya nisiwe naenda kazini” baba alieleza.
“Aaaah baba, ukitaka tuelewane naomba uende kazini” nikazungumza kwa sauti ya msisitizo.
“Basi nitaenda kesho mpenzi wangu”
“Hapana naomba uende leo, tena amka sasahivi” nikazungumza kwa amri.
“Haya bwana kwaajili yako nitaenda” aliniambia huku akijiinua kwaajili ya kujiandaa kwenda kazini.
Nilimtazama mzee yule na kutikisha kichwa kusikitika huku nikiachiata basamu la ushindi. Alipomaliza kujiandaa alinigeukia na kuniachia tabasamu la bashasha lililochanganyikana na huba ya penzi.
“Nibusu hapa” nilimwambia huku nikimgeuzia shavu langu la kusoto.
“Mmmwaaah!” baba wa watu aliachia busu moto moto kwenye shavu langu kama nilivyomuomba.
“Asanteee!” nikashukuru na kujiinua kutoka kitandani.
Baba alipohakikisha yupo sawa alinikonyeza na kunipiga busu la mbali kisha akageuka kuondoka kuelekea kazini huku akiniacha nimesimama mlechumbani nikimtazama alivyokuwa anapotea.
“Pumbavuuuu!” nikazungumza kwa sauti ya chini mara baada ya kubaini mwanaume yule alikuwa ameondoka na kuniacha salama.
Zee zima halina hata haya, linaona raaaha kupumulia watoto wa wenzake. Heti laki tatu, kama ni mali kwanini asibaki nazo mwenyewe. Yaani niuze utu wangu kwaajili ya laki tatu! Kweli jamani? Akwende zake huko, nikasema kama amenikosa leo ndio hanipati tenaaa. Na ningefanya mchezo siku hiyo ningetumbuliwa kiulaiiiini.
*****

Shughuli na mikakati kabambe niliyokuwa nimeifanya kuukwepa mtihani wa baba ilikuwa ni pevu na hatari sana. Sishauri msichana yoyote yule kujaribu kutumia mbinu kama hii kukwepa mitihani ya wanaume kama baba. Maana ni hatari, kuna wanaume wengine hawadanganyiki jamani. Yale mapepo yakishawapanda sijui wanakuwaje, yaani hakuna cha muazini wala cha mnadi swala, utashitukia umeshadonolewa. Nashukuru mungu mzee Sekiza hakuwa wa namna hiyo vinginevyo mbuzi angekuwa kafia kwa muuza supu.
 Pamoja na uchovu niliokuwa nao lakini bado nilikuwa na mpango wa kwenda kwa dada Bupe kupata taarifa za mpenzi wangu Endrus. Najua kuna watu wakisikia namtaja Endrus huwa wanachukia sana, lakini hakuna namna maana ndio lilikuwa chaguo langu mtoto wa kitanga.
Nilipohakikisha nimemaliza kufanya kazi za ndani nilichoropoka na kwenda kumtembelea dada Bupe kule mgahawani. Usikasirike msomaji wangu mimi kwenda mgahawani kwa dada Bupe, huko ndiko kulikokuwa kunapatikana kipenzi cha rohoyangu Endrus.
Nilifika na kumkuta dada Bupe akiendelea na shughuli zake za kila siku katika kuhakikisha uchumi wake unakuwa sawa.
“Hodi…Hodi….hodiii” nilibisha hodi kwa sauti huku nikiingia na kupitiliza moja kwa moja hadi jikoni.
“Haya na wewe umetokea wapi?” dada Bupe akahoji kwa kuhamaki kwasababu hakuwa na mategemeo ya kuniona siku hiyo. 
“Nimetokea kuzimu” nikajibu huku nikiketi kwenye kiti pale jikoni.
“Huyo bwana wako Fadhili akikukuta hapa si hapata tosha shoga?” alihoji kwa mashaka dada Bupe.
“Mbona ameniruhusu mwenyewe nije” nikazungumza kumuondoa wasiwasi dada Bupe.
“Mnh mwanaume wako ana wivu yule” alizungumza dada Bupe.
“Mbona hata sio mwanaume wangu” nikaeleza.
“Kama sio mwanaume wako, mbona anakuonea wivu sasa?” 
“Hamna Fadhili ananipenda tu kama mdogowake” nilieleza.
“Basi haya karibu mjengoni” dada Bupe akanikaribisha huku akikaanga rost ya nyanya.
“Vipi Endrus anasemaje?” pasipo kupoteza muda nikazungumza kile kilichokuwa kimenipeleka pale kwa dada Bupe.
“Na wewe unataka kunivuruga tena, Endrus wa nini wakati ulimkataa?” dada Bupe alizungumza maneno magumu ambayo hayakunifurahisha.
“Lakini hayo si yaliisha dada Bupe!” nikazungumza.
 “Kwanza bora umekuja, nina salamu zako hapa” Dada Bupe alizungumza taratibu kama vile hataki.
 “Salamu gani tena jamani?” nilizungumza huku nikijiweka vizuri kwenye kogodanilichokuwa nimekalia.
 “We unadhani zitatoka wapi?” dada Bupe alizungumza huku akitabasamu.
 “Asa mi nitajuaje jamani dada Bupe na wewe” nikazungumza huku nikiamini kwa asilimia zote salamu hizo zilikuwa zinatoka kwa Endrus, kwasababu hakuwepo mtu mwingine yeyote ambaye nilikuwa nimemzoea kiasi cha kuniletea zawadi.
 “Nenda pale juu ya kabati ukachukue” aliniambia dada Bupe huku akionesha kidole juu ya kabati lililokuwepo jikoni.
 “Niambie kwanza umetoka kwa nani?” nikahoji huku nikijishebedua ilhali nilikuwa nafahamu mzigo ule ulikuwa umeletwa na Endrus.
 “We nenda ukachukue, mtoaji utamfahamu huko huko” alisema dada Bupe.
Niliinuka kwa shauku kubwa na kuelekea kwenye kabati. Nilipeleka mkono na kuchukua kiboksi kidogo kilichokuwa na ukubwa wa mkate mkubwa wa bofulo.
 “Ndio hili boksi?” nilihoji huku nikiwa nimelishikilia boksi lile.
 “Ndilo hilohilo babu chukua” alisema dada Bupe huku akiendelea na shughuli yake.
Nilivuta hatua kutoka na boksi lile huku nikilitazama kwa makini. Katika kichwa changu kulikuwa na taswira ya Endru. Nilitokea kumpenda sana mwanaume huyo, sifahamu ni kwanini lakini ndani ya siku zile chache tu mtoto wa kitanga nilikuwa kwisha habari yangu. Hata sielewi alikuwa amenifanya nini kijana yule. Jamani Endru nyie we acha tu. Nikafungua boksi lile kwa tabasamu kubwa. 
Tabasamu langu liliongezeka zaidi baada ya kukuta simu ya mkononi ikiwa imewekwa juu ya nguo za ndani zenye rangi mbalimbali zilizokuwa zimekunjwa vizuri. Niliinua macho yangu na kutazamana na dada Bupe ambaye naye alikuwa anatabasamu kama mimi.
Ghafla tabasamu langu lilianza kutoweka taratibu baada ya kukuta picha ya mtumaji pamoja na jina lake. Picha haikuwa ya mpenzi wangu Endrus na jina lake lilikuwa ni HANCE. Niliinua macho tena na kumtazama dada Bupe, nilivuta pumzi ndefu na kuzibana kisha nikaziachia huru kwa pamoja.
Dada Bupe aligundua utofauti uliokuwepo kwenye uso wangu, akatoa kicheko kidogo cha kishambenga.
“Vipi kuna tatizo?” alihoji dada Bupe alipomaliza kile kicheko chake cha kishankupe.
“Huyu ndio nani tena?” nikahoji huku nikimuonesha ile picha ya kijana yule.
“Huyo ni ‘handsome boy’ anaitwa Hance” alijibu dada Bupe huku akijiinua kutoka pale alipokuwa ameketi.
“Sasa mbona ameniandikia ‘I Love you?” nikahoji kwa mshangao.
“Ndio hivyo tena, kijana amekwisha kufa na kuoza” dada Bupe alizungumza huku akiepua karai la kuchomea chapati kutoka jikoni.
“Sasa inakuaje hapa mbona sielewi?” nikahoji kwa mshangao huku nikikumbuka maneno ya Fadhili kuwa dada Bupe hakuwa mtu mzuri hasa kwa mabinti wa wenzie.
“Acha kujishebedua wewe mtoto wa kitanga, kijana wa watu anaomba nafasi ndani ya moyo wako” alizungumza dada Bupe kwa msisitizo kuonesha alikuwa anamaanisha kwa kile alichokuwa anakizungumza.
“Sasa na Endru naye itakuwaje?” nikahoji kwa mshangao zaidi huku nikiwa sina hata chembe ya bashasha usoni mwangu.
“Kwani tatizo liko wapi?”
“Tatizo hulioni dada Bupe?
“Mi sioni tatizo lolote, kwani kupenda ni dhambi?” alizungumza dada Bupe huku amenikazia macho usoni.
“Endru akigundua je itakuwaje?”
“Kwani amekuoa babu? Hata hivyo hawezi kugundua”
“Mnh! Dada Bupe mie naogopa mwenzangu Akaa!” nikazungumza huku nikikumbuka lile songombingo lililokuwa limetokea nyumbani kwa Fadhili na kaka Imran kwa sababu hiyo hiyo ya kuwachanganya wanaume. Lakini pia nikakumbuka tena maneno ya Fadhili ya kusema kuwa dada Bupe alikuwa na tabia ya kutongozea vitoto vya kike wanaume.
“Wacha woga wewe, unafikiri wanawake wote hawa unao waona wana mtu mmoja tu, kikubwa ni kucheza nao kwa umakini” dada Bupe alizungumza pasipo na hata chembe ya wasiwasi wala aibu mwanamke yule.
“Kwahiyo we dada Bupe unanishaurije?” nikahoji huku nikiwa sielewi cha kufanya.
“Ushauri wangu mimi ni huu, Usipoteze bahati, mtu amejileta mwenyewe we kanyaga twende kwani shida nini?” dada Bupe akazungumza kwa msisitizo.
Itaendelea

  🔞WAKUBWA TU:TAZAMA VIDEO ZA WAKUBWA LIVE UJIONEE STAILI KALI ZA KUMFIKISHA KILELENI MPENZI WAKO

=>BONYEZA HAPA/ KUTAZAMA